Vilde Biserød Vengnes gjekk ut frå Nord Universitets teaterutdanning (tidlegare HiNT) i 2020, og har sidan hausten 2024 jobba på Det Vestnorske Teateret. Ho debuterte på institusjonsteater her på huset med framsyninga «Kvinna i Svart», der ho spelte tittelrolla. Jula 2024 var ho igjen på same scene i hovudrolla som Malin i framsyninga «God dag, herr Jul». Forutan engasjementet på DVT, har Vengnes jobba frilans med både film,tv og teater, mellom anna framsyninga Skipbrudden av Kompani Oval med premiere på Stamsund teaterfestival i 2024 og vist på Go figure og Heddadagane same året, Mailis i NRK-serien «Evy og Alltid», og eit Kulturrådet-støtta forprosjekt om einsemd;
«Øde jeg».
