Svein Harry Schöttker-Hauge gjekk ut frå Statens Teaterhøgskole i 1992. Han starta karrieren ved Teater Ibsen før han i 1994 vart tilsett ved Rogaland Teater, der han har gjort ei rekkje sentrale roller. Han har òg medverka ved Hålogaland Teater, Nordland Teater, Riksteatret og Oslo Nye Teater. Ved Den Nationale Scene har han vore å sjå i framsyningar som Vildanden, Gjestene, Mesteren og Margarita, Don Quijote, Assassins, Arv og miljø, Cabaret og Romeo og Julie, samt familieframsyningar som Wendy & Peter Pan og Det blåser på månen.
Svein Harry har spelt ved Det Vestnorske Teateret i Stones in his Pocket i 2017, og i Amadeus i 2023. Mange har nok også sett han i Den utrulege historia om den kjempestore pæra som har spelt på Hovudscenen vår denne vinteren. Våren 2026 er han aktuell i Dylanselskapet på samme scene.
