Stine Revheim Svellingen er skodespelar, teatervitar og produsent med master i teatervitskap frå Universitetet i Bergen og klovnestudium frå Ecole Philippe Gaulier og The Why Not Institute. Ho har brei kompetanse innan teaterfeltet som skapande utøvar, inspisient, dramaturg og produsent.
Ho er med i drifta av Eventyr i Parken, eit vestlandsbasert kompani som utviklar utandørsteater for barn og unge. Kompaniet mottok Rampeløkten frå Bergen Teaterforening i 2023, for det mest nyskapande teaterprosjektet i 2022. Saman med Tora Troe har ho starta Makalaus Produksjonar, med mål om å lage visuelle og sanselege produksjonar for barn med funksjonsvariasjonar.
Stine har jobba i ulike funksjonar, mellom anna hjå Det Vestnorske Teateret, Cornerstone/Bergen Dramatikkfestival, Agder Nye Teater, Agder Teaterlaboratorium, Teaterfestivalen i Fjaler, Universitetet i Bergen, Den Nationale Scene og Bymuseet i Bergen.
På Det Vestnorske Teateret har Stine jobba som inspisient i fleire år, og har òg spela improteater for barn og vaksne sidan 2021.
