Sigmund Njøs Hovind er skodespelar og gjekk ut frå Teaterhøgskulen i Göteborg 2011. Han kom til Bergen og Den Nationale Scene i 2013, der han har jobba med jamne mellomrom sidan. Han har òg jobba ved både Teater Vestland, Teatret Vårt og Det Vestnorske Teateret.
Hos oss ved Det Vestnorske har han spelt ulike roller i m.a. Andvake, Snødronninga, Amadeus, POLITI! Og God dag, Herr Jul, Fuglane og Mordet på Michelsen.
I Skifte bar har han gjort soloframsynigane Hundemanuskripta og Styrta engel.
Han har hatt roller i fleire filmar, og har også vore med i ei rekke TV-seriar, seinast i Rykter, for NRK.
Denne vinteren har Sigmund spelt i Den utrulege historia om den kjempestore pæra ved Det Vestnorske Teateret. Våren 2026 er han òg aktuell i Dylanselskapet på samme scene, som del av sitt årsengasjement ved teateret gjennom heile 2026.
