Olga Regitze Dyrløv Høegh er scenograf og kostymedesignar. Ho er utdanna innan designkultur i Danmark, og har ein master i scenografi frå Akademi for scenekunst i Fredrikstad. Ho representerte dei norske scenekunstskulane på den prestisjefylte internasjonale scenografi-kvadriennalen i Praha. Arbeidet hennar innan dans, opera, musikk, teater og installasjonskunst har blitt vist breitt internasjonalt, ifrå New York og Yokohama til Glasgow, Riga og Brussel. I Noreg har ho jobba med blant andre Black Box teater, Kloden Teater og BIT Teatergarasjen. I Danmark har ho arbeidd tett saman med scenekunstkompaniet Convoi Exceptionnel, har laga scenografi for prisutdelingar, festivalar og konsertturnéar for mellom andre popgruppa Aqua.
Fuglane er den første produksjonen hennar ved Det Vestnorske Teateret.
