Frode Gjerløw er utdanna ved École Internationale de Théâtre Jacques Lecoq i Paris (2009–2011). Etter ti år som skapande skodespelar med to eigne teaterkompani i London, har han hatt regi på ei rekkje framsyningar i Noreg, mellom anna ved Teater Ibsen, Teater Vestland, Brageteatret, Hålogaland Teater, Teatret Vårt og Riksteatret.
Han skreiv manus og hadde regi på Eldorado ved Brageteatret – nominert til Heddaprisen i 2024 – og har gjort seg spesielt bemerka med skuegaming-konseptet Det mørke fortet – et Minecraft-eventyr på Riksteatret, som vann Heddaprisen i 2025. Frode sin kunstnarskap bygger på brei erfaring som regissør og manusforfattar innan både komedie, nyskrive drama, Shakespeare-mashups, musikalar, parodiar, absurdteater, politisk satire og familieframsyningar.
Hausten 2025 har han regi på Nøtteknekkeren på Nye Hjorten Teater i Trondheim, og til vinteren realiserer han ei ny skuegaming-produksjon på Riksteatret i samarbeid med Teater Ibsen: Skorpionens spill – i skyggen av Roblox.
Skulerevyen er Frode si tredje framsyning ved Det Vestnorske Teateret, der han er både regissør og ein av manusforfattarane. Tidlegare har han hatt regi og manus på Rett på sak og regi på Steg for steg.
