Emily Adomah er songar, komponist og produsent med base i Bergen og Basel. Ho har bachelor i utøvande klassisk song frå Noregs musikkhøgskole og arbeider innan samtidsmusikk, eksperimentell lyd, elektronisk produksjon og lydkunst. I sentrum av praksisen hennar står stemma som instrument, utforska i møte med elektronikk, akustiske materiale og feltopptak.
Ho komponerer for konsertscenen, film, dans og teater, og skaper stadsspesifikke lydverk om forholdet mellom lyd, rom og persepsjon. I 2024 laga ho eit bestillingsverk for EKKO og har samarbeidd med Bergen Kunsthall, Lydgalleriet, Kunsthall 3.14 og BEK. Ho har òg opptredd på festivalar som Borealis, VoxLab og Ultima.
Vinteren 2024/2025 debuterte ho internasjonalt som solist i Julia & Romeo ved Theater Basel. Hausten 2025 var ho komponist og lyddesignar for Sukker ved Det Norske Teatret. Sommaren 2026 fullfører ho mastergrad ved Musik-Akademie Basel og deltek i ArtEx, Talent Noreg sitt talentprogram.
