Anders Dale er skodespelar utdanna ved Statens teaterhøgskole. Han kom direkte frå skulen til Rogaland Teater i 1994, der han debuterte som Joe i Tony Kushners Engler i Amerika. Gjennom karriera har han markert seg med sterke og varierte roller i både klassisk og moderne dramatikk – mellom anna som Josef K i Kafkas Prosessen (1996), Malcom i Macbeth (1997), Mersault i Camus’ Den fremmede (1999) og Hitler i Georg Taboris Mein Kampf (1999). Han har òg tolka roller som Joey i Pinters Hjemkomsten, Georg i Lars Noréns Kommer og forsvinner og Alex i Burgess’ A Clockwork Orange. I 2001 spela Dale hovudrolla i Amadeus på Den Nationale Scene under Festspillene i Bergen, og han vart i 1997 nominert til Gullruten for innsatsen sin i NRKs dramaserie Blodsbånd. På Rogaland Teater har han gjort seg bemerka i produksjonar som Nicholas Nickleby (2004/05), Mesteren og Margarita (2005), Drømmeren (2006) og Vildanden (2006), i tillegg til å ha hatt regi på Tape og Hvem er redd for Virginia Woolf?. Dale har òg hatt regi på Blackbird (Den Nationale Scene, 2012) og Festen (Rogaland Teater, 2012), og har stått på scenen i alt frå Peer Gynt og Jungelboken 2099 til Biedermann og brannstifterne, The Black Rider og Hamlet.
Han har vore med i to produksjonar ved Det Vestnorske Teateret (då Hordaland Teater) tidlegare, som Ole Bull i Jeg bygger luftslott i 2010 og i Stones in his Pockets i 2017 (regissør og skodespelar). Sist han spelte i Bergen var vinteren 2025 i Vildanden på DNS.
Våren 2026 er Anders Dale aktuell ved Det Vestnorske Teateret, der han spelar i Dylanselskapet.
