Viseskiftet

I fortida var Doddo ein ung, frustrert mann. I framtida er han kanskje vår neste ordførar? I mellomtida kan du oppleva han som ein jordnær og skarpskodd visesongar på Viseskiftet.

I 2018 gav Katarina Lunde ut den kritikarroste EP-en Vi, og ryktet fortel at ho putlar med ei barneviseplate som skal givast ut på uvisst tidspunkt. At multitalentet kjem for å berika Viseskiftet med vakre og vene tonar er likevel både sikkert og visst.

Sebastian Fykse har ei eiga evne til å mana fram den nordnorske folkesjela rundt leirbålet under midnattssola. No får me sjansen til å bli trollbunden av denne mytiske figuren frå vegkrysset i Nordkjosbotn.

Vertane August Selnes og Lovise Espeland byr opp til samspel, framføringar og samtale med utvalde gjester som lever av, med eller for visemusikk og lyrikk.
Sett deg ned – stearinlysa er tende, borda dekte med velurduk og tappekrana er intakt– du er blant venner no.

Foto: Daniel Bjørkedal