Tryllepub

Tryllekunst og pubstemning i eitt

Tryllepub kombinerer den uformelle stemninga frå puben med fascinerande tryllekunst. Kvelden byr på imponerande triks, publikumsinteraksjon og gode latterkuler – alt servert i intime omgjevnader i Skifte bar.

• 15. april blir det magi-extravaganza. Vi er så heldige å få legenden DAVIDO på besøk.
  Klassisk og moderne trylling i skjøn foreining!

  Tryllekunstnaren Davido – Bjørn David Fevåg er ei levande legende i det norske magikarmiljøet. Han er kjend frå utallige opptredenar på TV, heilt frå 70-talet og fram til i dag, seinast i «24 stjerners julekalender» og som deltakar i «NM i gjemsel».
  
  Davido er den einaste nordmannen som har vore verdsmeister i trylling i FISM to gonger. I september 2023 vann han Grand Prix under Dreamfactory sin internasjonale magifestival i Sveits.
  Davido har arbeidd som tryllekunstnar i over 50 år og har gjennom åra halde tusenvis av framsyningar i inn- og utland.

• Tid:  kl. 20:00–21:30
• Stad: Skifte Bar, 3. etg, Det Vestnorske Teateret

Billettar – betal det du kan
Vi ønskjer at alle skal ha moglegheit til å oppleve magien. Difor vel du sjølv billettprisen: kr 75 -125 -175 -250 -300.

Bar og servering

Baren opnar kl. 18:30. Kom tidleg, ta noko godt i glaset og slå av ein prat før showet startar. Baren held ope til kl. 22:00.