Mordet på Michelsen

Stykket, som er skriven av Gunnar Staalesen, vart ein suksess i fjor. I løpet av speleperioden hadde framsyninga over 3300 besøkande, fordelt på 72 fulle framsyningar i den flotte hallen på Gamlehaugen i Bergen.
Dei to skodespelarane frå 2025- oppsetjinga, Anders Vårdal Gjerde og Sigmund Njøs Hovind, spelar også sommaren 2026. Duoen spelar ti roller i ei framsyning som blandar historisk stoff, leik og underhaldning.

Teater og omvising på Gamlehaugen

Opplev Mordet på Michelsen inne på historiske Gamlehaugen – og kombiner teaterkvelden med ei eksklusiv omvising i statsministerbustaden frå 1905.

Gamlehaugen tilbyr omvising i forkant av dei tidlegaste framsyningane. (Omvising er ikkje inkludert i teaterbilletten og må kjøpast separat.)

Desse billettane finn du her:  Statsbygg/Gamlehaugen sine nettsider.
NB: Det er svært få plassar per omvising.  Dersom du vil kombinere teater med omvising, kan du kjøpe teaterbilletten i kategorien: Kombi (berre framsyning) til kr 290.
 

Ein unik moglegheit til å komme på innsida av Kongen sin residens i Bergen

• I historiske omgivnader
• På staden der romanen finn stad.

Foto: Her inne i Hallen på Gamlehaugen spelar vi Mordet på Michelsen i sommar. (Fotograf: Øivind Møller Bakken/De kongelige samlinger)

Christian Michelsen var Noregs første statsminister etter unionsoppløysinga i 1905. Han var òg skipsreiar og politisk leiar.
Michelsen var Norges statsminister frå 11. mars 1905 til 23. oktober 1907.

Ein kruttsterk kriminal-komedie, med dramatisk Noregshistorie som bakteppe.

I 2005 ga Gunnar Staalesen ut kortromanen Mordet på Michelsen, i eit eksklusivt opplag. Boka er cirka 4 x 5 cm stor, ei såkalla miniatyrbok. Innhaldet er typisk Staalesen: Klassisk krim, med innslag av Bergenshistorie.  

Forteljinga inneheld like delar sanning som dikting. Staalesen stiller oss spørsmålet: Er det ikkje sannsynleg at nokon planla eit attentat på Michelsen i dei dramatiske dagane i 1905? Det kunne jo endra heile Noregshistoria om han blei tatt av dage. Det er med dette utgangspunktet vi fortel denne historia.  

Foto:  Ei oppleving utanom det vanlege.  (Fotograf: Øivind Møller Bakken/De kongelige samlinger)

Året er 1905 

Politiet i Bergen mottar eit telegram der det står at landets statsminister, Christian Michelsen, svever i livsfare. Ein hemmeleg agent skal befinne seg på Gamlehaugen, med mål om å ta livet av Michelsen.
Motiv: Å stoppe Noreg sin lausriving frå Sverige.

Politibetjent Moland tar på seg oppgåva med å avsløre agenten, og redde statsministeren.

 

Sjå teaser video av Mordet på Michelsen på Gamlehaugen. (Film: Motstroem)

To skodespelarar spelar 10 roller, i ei leiken og underhaldande framsyning

Ein liten touch av Poirot, ei klype Varg Veum, to teskeier historietime - og store mengder blott til lyst – på slottet i Bergen, Gamlehaugen. 

Kunstnarleg lag

Dramatisering og regi: Thomas Bye
Skodespelarar: Anders Vårdal Gjerde og Sigmund Njøs Hovind
Vert arrangert i samarbeid med Statsbygg. 

Foto: Skodespelar Anders Vårdal Gjerde (Foto: Motstroem)

Foto: Skodespelar Sigmund Njøs Hovind. (Foto: Motstroem)