Marie min

MARIE MIN er eit scenisk portrett av Marie Hamsun, skrive av Tomas Espedal i hans dramatikardebut. Framsyninga gir eit nært og samansett bilete av ein av Noregs mest omstridde kulturhistoriske personar.

Vi møter Marie som ektefelle, mor, kunstnar og menneske i spennet mellom lengt, fridom og underkasting. Rundt henne krinsar familie, relasjonar og ideologiar i eit Europa på veg mot katastrofe. Gjennom sterke motsetnader undersøker stykket kva det vil seie å vere menneske – utan enkle svar.
Framsyninga hadde urpremiere under Bodø2024 og blir no vist i Bergen som del av Bergen Dramatikkfestival – ein festival som løfter fram ny dramatikk og samtidsdramatikarar, og gir publikum møte med aktuelle og nyskapande scenetekstar.

Kunstnarleg lag

Tekst: Tomas Espedal
Regi: Sara Bruteig Olsen
Scenografi: Silje Sandodden Kise
Musikk: Mari Kvien Brunvoll
​Lys: Maja Bergbakken Sundt

På scenen: Sunniva Birkeland Johansen, Mathias Asplund og Marie Skogvang Stork