Lyrikkslepp: HODEGJERDE av Mathilde Øverland

Velkomen til lansering av Mathilde Øverland si første diktsamling HODEGJERDE!

Hodegjerde handlar om kroppslege tilstandar etter eit traume. Dikta er spente opp i ein anatomisk struktur. Dei startar i amygdala sin fryktrespons, og følgjer den vertikale rørsla frå hjernenervebanane og ned gjennom ein kropp, virvel for virvel. Kroppen sitt arbeid og tempo etter intense inntrykk frå Oslo sentrum 22. juli 2011 blir spegla i tekstar med svært ulike temperaturar.

Mathilde Øverland er tradisjonsdansar, koreograf, dansekunstnar, poet og moldensar i Bergen. Ho arbeider med rotasjon og rytmikk i språk og rørsle. Kunstnarskapen hennar krinsar rundt rom, lyd og tradisjon.