Klubb Komle

Vi serverer dansbar husmannskost i klubbformat. På menyen står Kveding spesial. Å kvede, å tralle, å synge, å lalle – det finst mange namn på truleg menneskeheitas eldste instrument: stemma. Denne kvelden hyllar vi stemmebanda og viser at dei kan skape minst like mykje trøkk på dansegolvet som eit heilt orkester.

Vi skal danse til kor og til eit handplukka utval av nokre av dei fremste folkesongarane på Vestlandet. Kanskje blir det litt allsang òg? Fort fare for det.

Håpar du er klar for ein ny runde med snurring og svetting, gynging og dansing, for her blir det tralling til langt på kveld!

Dørene opnar kl. 20.00, og vi startar med dansekurs kl. 21.00.

På menyen:

• Folkedansinstruksjon
• Multa Paucis
• Kvedegryte
• DJ Amøbes arkivmiks

Med:

Lars Fivelstad Smaaberg – danseinstruksjon og kveding

Vegard Kvestad – torader

Vokalensemblet Multa Paucis - kveding

Berit Opheim – kveding

Linda Røyseth Sandhåland – kveding

Lovise Espeland - kveding

Jonas Særsten - synth, trommemaskin og Amøbes arkivmiks

Gaute Ullestad Moen - perkusjon og munnharpe

Jon Eirik Sira - VJ

Johanna Seim - husvert

Arrangementet er støtta av Kulturrådet, Vestland fylkeskommune og Bergen kommune.

Foto/video: Andreas Roksvåg