Lukk
Søk
Søk Meny

Svar på brev frå Helga

På grunn av korona-krisa må vi dessverre avlyse speleperioden frå 24. april - 23. mai.
Kjøp hotellpakke
  1. Spelar
  2. Scene Det Vestnorske Teateret (i Logen)
  3. Varigheit 1 time 15 minutter (utan pause).

Kjære publikum,

Vi seier oss leie for dei ulempene det medfører for dykk at vi no avlyser «Svar på brev frå Helga» på Det Vestnorske Teateret. Som de alle veit er det på grunn av korona-krisa at vi lyt avlyse.
Vi saknar veldig å spele teater for publikum, men håpar tiltaka virkar og at haustsesongen vår kjem til å gå som normalt. Vi har eit særs mangfaldig repertoar den kommande tida og det er i dag uråd å seie om «Svar på brev frå Helga» kan komme opp på eit seinare tidspunkt.

Du som har kjøpt billett kan velje mellom å få eit gåvekort på beløpet som du kan nytte når teateret opnar att, eller få refusjon. Dersom du ønsker, kan du også avstå og donere verdien av billettane til teateret. (Vi har opplevd at mange ønska det då vi avlyste Heim 3).

Viktig at du sender oss e-post til publikum@detvestnorsketeateret.no og forteljer oss kva du ynskjer, innan 23. mai. Det er til veldig god hjelp om du i e-posten tek med kundenummer eller ordrenummer. (Dette finn du på billetten din.)

Har du kjøpt hotellpakke, må du ta kontakt med Revy og Teaterservice på e-post: post@revyogteater.no 

Vi ber om forståing for at det kan ta tid å behandle e-postane og at vi i denne situasjonen berre kan handtere billettrefusjon og gåvekort per ordre. Dette vil seie at refusjon går til det betalingskortet som vart brukt ved billettkjøp. På samme måte kan gåvekort kun utskrivast på heile ordra og ikkje stykkast opp.

Vi håpar at de vil ha tilgode teateropplevinga hos oss. Så håpar vi landet snart er på beina att, slik at vi på ny kan samlast til teaterframsyningar i Logen. I mellomtida kan du få med deg den digitale flata vår «Saman kvar for oss», der vi på nettsida/fb-sida vår strømmer enkelte arrangement og deler kunstnarlege bidrag med publikum i teateret si dvaletid.

Beste helsing Solrun Toft Iversen

 

 

…………………………………………………………………………………………………………………………………………….

 

Den stolte sauebonden Bjarne sitt liv går mot slutten. Men før han kan legge ut på den siste ferda må han gå i møte med seg sjølv, dei vala han gjorde, det livet han levde og det livet han ikkje torde leve. Det blir ei saftig forteljing om kjærleik og livskamp, erotiske minner blanda med soger om gløymde lik, lågføtte verar og dagen då Farmall- traktoren kom.

Den islandske suksessromanen «Svar på brev frå Helga» av bergensbusatte Bergsveinn Birgisson er omsett til fleire språk og nominert til Nordisk råds litteraturpris i 2012.

Bilete

Bilete {{ scopeProps.index + 1 }} av {{ scopeProps.items.length }}

Presseomtale

Meldingar etter premieren

Med

  1. Skodespelar: Helge Jordal
  2. Skodespelar: Ragnhild Gudbrandsen

Kunstnarleg lag

  1. Av : Bergsveinn Birgisson
  2. Oversetting: Johannes Gjerdåker
  3. Dramatisering og regi: Stig Amdam
  4. Scenografi og kostyme: Åse Hegrenes
  5. Lys: Einar Bjarkø